السلام عليكم
خلال المقابلة الاخيرة لفريق الرجاء البيضاوي مع المغرب الفاسي,تلاقيت بالمشجعين الرجاويين اللي ديبلاصاو مع الراجا للجزائر في مقابلة وفاق سطيف برسم دوري ابطال العرب,وانا مشيت عندهم وسلمت عليهم وسولتهم على ثمن الفلام فلالجيري,وهما يقولوا ليا بلي ثمنها دوميل(20درهم) يعني الثمن باش غادي تشري فلامة 1هنا بالمغرب,غادي تشري بها 5فلامات تما فالجزائر,والكل تيعرف ان ثمنها عندنا تيدير 120درهم للفلامة الواحدة.
وليس هذا فحسب بل قالوا ليا بلي تما تدخل الفلام شادها فيديك وماكاينش اللي يهضر معاك ,عكسنا احنا اللي يفتشولك حوايجك وكلشي.
ومن خلال هذا المنبر اريد ان احيي كل الجماهير المغربية والمشجعين المغاربة اللي كانوا تيشريو الفلام برغم غلاء ثمنه,والصرامة والعقوبات التي تلاحقهم اذا وجدت عندهم وتموا باشعالها.
ومع احتراماتي للاخوة الجزائريين لكن بكل صراحة لو كان نفس الثمن الذي تباع به الفلامات بالمغرب هو نفس الثمن عندهم ,لما كانوا سوف يشعلونها,وللاشارة فقط ان الفلام بالمغرب كله يتم استوراده من الخارج وخاصة اسبانيا,بينما في الجزائر هناك معامل تصنعه وهي متواجدة بالمدن الجزائرية الساحلية (حسب ماقاله لي الرجاويين).
تقبلوا تحياتي
الجمعة ديسمبر 21, 2007 12:09 pm